ငယ်ငယ်တုန်းက မွေးရပ်မြေ လားရှိုးမြို့မှာ သင်ခဲ့တဲ့ ပညာနဲ့ ပလာတာဆိုင်လေး ဖွင့်တော့မယ်ဆိုတဲ့ ညီနန္ဒ

ညီနန္ဒက မိန်းကလေးပရိသတ်တွေ သည်းသည်းလှုပ်အားပေးခဲ့ရတဲ့ သရုပ်ဆောင်ပဲ ဖြစ်ပါတယ်။ ညီနန္ဒက အနုပညာလောကကနေ ခေတ္တပျောက်ကွယ်သွားပေမယ့် အခုဆိုရင်တော့ ရုပ်ရှင်ဇာတ်ကားကြီးတွေနဲ့ ဇာတ်လမ်းတွဲတွေမှာ လက်မလည်အောင်သရုပ်ဆောင်နေရတာ ဖြစ်ပါတယ်။

လွန်ခဲ့တဲ့ ဆယ်စုနှစ်တစ်ခုကျော်လောက်ကတည်းက အောင်မြင်မှုတွေကိုရရှိပိုင်ဆိုင်ထားတဲ့ ဝါရင့်သဘာရင့် သရုပ်ဆောင်တစ်ဦးပဲဖြစ်ပါတယ်။ ညီနန္ဒတစ်ယောက် (၂၀၁၃) ခုနှစ်တုန်းက မန္တလေးမှာ ဆောက်လုပ်ရေးလုပ်ငန်းလုပ်ကိုင်ခဲ့ပေမယ့် စီးပွားရေးနားမလည်မှုတွေကြောင့်ဆုံးရှုံးခဲ့မှုများစွာရှိခဲ့ပြီး အခက်ခဲများစွာနဲ့ကြုံတွေ့ခဲ့ရပါတယ် ။ အဲ့ဒီနောက်မှာ မိုးကုတ်ကျောက်တွင်းရှိ ကျောက်အလုပ်သမားတွေကို အုပ်ချုပ်ရတဲ့အလုပ်နဲ့ ရပ်တည်ခဲ့ပါတယ် ။ အခုလတ်တလောမှာတော့ အနုပညာလှုပ်ရှားမှုတွေ ဆက်လက်လုပ်ကိုင်နေပြီး ဇာတ်လမ်းတွဲတွေမှာလည်း ပါဝင်နေခဲ့ပါပြီ ။

ညီနန္ဒရဲ့ မွေးရပ်မြေကတော့ လာရှိုးမြို့ဖြစ်ပြီး လာရှိုးသားတစ်ယောက်ဖြစ်တဲ့ ညီနန္ဒက မွေးရပ်မြေကနေ သင်ယူတတ်မြောက်လာတဲ့ ပညာလေးတစ်ခုနဲ့စီးပွားရေးလုပ်တော့မှာဖြစ်ပါတယ် ။ “ကျွန်တော် ပလာတာဆိုင်ဖွင့်ရင် အားပေးကြမှာလား ခင်ဗျာ… ကျွန်တော့မွေးရပ်မြေ လားရှိုးမြို့မှာ သင်ယူတတ်မြောက်ခဲ့တဲ့လက်မှုအတတ်ပညာလေးပါ… မကြာခင်အကောင်အထည်ဖော်ပါ့မယ်နော် ” ဆိုတဲ့စာသားလေးနဲ့အတူ ပရိသတ်တွေကို အားပေးကြဖို့ မေတ္တာရပ်ခံလိုက်တာပါ ။

ညီနန္ဒကိုချစ်ခင်ကြတဲ့ ချစ်ပရိသတ်ကြီးကလည်း ညီနန္ဒရဲ့ တစ်နိုင်တစ်ပိုင်စီးပွားရေးလေး ဖြစ်တဲ့ ပလာတာဆိုင်လေးဖွင့်ရင် အားပေးကြဖို့မမေ့ကြနဲ့ဦးနော် ။

Source-MON

Be the first to comment

Leave a Reply

Your email address will not be published.


*