မြန်မာပြည်ရောက် အမေရိကန် Peace Corps စေတနာ့ဝန်ထမ်းတွေ ပြန်ခေါ်တော့မယ်

မြန်မာပြည်ရောက် အမေရိကန် Peace Corps စေတနာ့ဝန်ထမ်းတွေ ပြန်ခေါ်တော့မယ်
——————————————–
ကမ္ဘာ့ကျန်းမာရေးအဖွဲ့ WHO က ကပ်ရောဂါအဆင့် သတ်မှတ်လိုက်တဲ့ Covid-19 ကြောင့် ကမ္ဘာတလွှားက Peace Corps အင်္ဂလိပ်စာပြစေတနာ့ဝန်ထမ်းတွေကို အမေရိကန်အစိုးရက ပြန်ခေါ်မယ့်အစီအစဉ်ရဲ့ အစိတ်အပိုင်းဖြစ်ပါတယ်။ ဒီအကြောင်း ဗွီအိုအေသတင်းထောက် ကိုဇော်ထက် သတင်းပေးပို့ထားပါတယ်။

ငြိမ်းချမ်းရေးစေတမန်အဖွဲ့ Peace Corps ရဲ့ မြန်မာပြည်ဌာန ညွှန်ကြားရေးမှူး Jody Olsen ရဲ့ ထုတ်ပြန်ချက်ထဲမှာလည်း ဒါနဲ့ပတ်သက်လို့ သူတို့ခက်ခက်ခဲခဲ ဆုံးဖြတ်ခဲ့ရကြောင်း ရေးသားထားပါတယ်။ အမေရိကန်သံရုံး ပြောခွင့်ရ Aryani Manring က Peace Corps Myanmar ရဲ့ ကိုယ်စား ဗွီအိုအေကို အခုလိုပြောပြပါတယ်။

“မတ်လ ၁၅ နေ့စွဲနဲ့ Peace Corps ညွှန်ကြားရေးမှူး Jody Olsen ရဲ့ အိတ်ဖွင့်ပေးစာမှာ ကမ္ဘာတဝန်းက သူတို့ရဲ့ ငြိမ်းချမ်းရေး အစီအစဉ်တွေကို ယာယီရပ်ဆိုင်းပြီး စေတနာ့ဝန်ထမ်းတွေကို သူတို့ ပြန်ခေါ်သွားမယ်ဆိုတာ ပြောပါတယ်။ ဒါက Covid-19 ရောဂါပိုး ပျံ့နှံ့လာတာတဲ့အခြေအနေကို တုံ့ပြန်လိုက်တာပါ။ ကမ္ဘာတဝန်း ခရီးသွားလုပ်ငန်းတွေ စိန်ခေါ်မှုတွေရှိလာပြီး၊ Peace Corps ရဲ့ တာဝန်က စေတနာ့ဝန်ထမ်းတွေ လုံခြုံမှုရှိဖို့၊ မြန်မာပြည်ကနေ ထွက်ခွာနိုင်အောင် သတင်းအချက်အလက်တွေ ပေးဖို့ပါ။”

Peace Corps က သူရဲ့ လူမှုရေး အစီအစဉ်တွေကို အဆင်ပြေလောက်တဲ့အချိန်မှာ ဆက်ပြီးလုပ်သွားဖို့ရှိကြောင်း Aryani Manring ကပြောပါတယ်။

မြန်မာပြည်တွင်း Peace Corps စေတနာ့ဝန်ထမ်းနဲ့ သင်တန်းနည်းပြ စုစုပေါင်း ၆၇ ယောက်ရှိပြီး မကွေး၊ ပဲခူး နဲ့ ရန်ကုန်အပြင် ဒေသတချို့မှာ လုပ်အားပေးနေတာပါ။

တကမ္ဘာလုံးက နိုင်ငံပေါင်း ၁၄၀ ကျော်မှာ Peace Corps စေတနာ့ဝန်ထမ်းပေါင်း ၂၃၀,၀၀၀ ကျော် ရှိနေတာဖြစ်ပြီး သူတို့အားလုံးကို အမေရိကန်ပြည်ထေင်စုကို ပြန်လည်ခေါ်ယူဖို့ စီစဉ်နေတာပါ။

နိုင်ငံပေါင်း ၁၇၀ ကျော်မှာ ကိုရိုနာဗိုင်းရပ် Covid-19 ကူးစက်နေပြီး မြန်မာနိုင်ငံမှာတော့ ဒီရောဂါကူးစက်သူ မရှိသေးဘူးလို့ ကျန်းမာရေးဝန်ကြီးဌာနက တရားဝင်သတင်းထုတ်ပြန်ထားတာပါ။ အမေရိကန်အစိုးရက ဒီရောဂါတားဆီးဖို့ မြန်မာနိုင်ငံအတွက် ဒေါ်လာ ၁.၈ သန်း ထပ်မံကူညီပေးမယ်လို့ မတ်လ ၁၉ ရက်မှာ သတင်းထုတ်ပြန်ထားပါတယ်။

ဒီအလှုငွေတွေထဲက ဒေါ်လာ ၇၀၀,၀၀၀ ကို ရောဂါကြိုတင်ကာကွယ်ရေးမှာ သုံးဖို့ WHO ကိုပေးတာဖြစ်ပြီး ကျန်တဲ့အလှုငွေတွေကတော့ ကျန်းမာရေး အသိပညာပေးနေတဲ့ UNICEF နဲ့ Save the Children ကို ပေးသွားမှာဖြစ်ပါတယ်။

VOA Burmese News

Be the first to comment

Leave a Reply

Your email address will not be published.


*