ကျောက်မဲမြို့မှာ အသက် ၂၀ အရွယ် မိန်းကလေးတစ်ဦး (၁၈)ရက်ကြာ ပျောက်ဆုံးနေလို့ အမြန်ပြန်တွေ့အောင်ကူညီရှဲပေးကြပါဦး

တောင်ကြီး၊ ဇူလိုင် ၁၄

ရှမ်းပြည်နယ်မြောက်ပိုင်း၊ ကျောက်မဲမြို့မှာ အသက် (၂၀)နှစ်အရွယ် မိန်းကလေးတစ်ဦး ပြီးခဲ့တဲ့ဇွန်လ ၂၇ရက်မှ ဒီကနေ့ဇူလိုင်လ ၁၄ရက်ထိ (၁၈)ရက်ကြာ ပျောက်ဆုံးနေတယ်လို့ သူ့ရဲ့မိသားစုဝင်တွေထံကနေ သိရပါတယ်။

ကျောက်မဲမြို့နေ အဖဦးမြင့်လှိုင်ရဲ့ သမီးဖြစ်သူ မအိစန္ဒာကို၊ အသက်(၂၀)နှစ်ဟာ ပြီးခဲ့တဲ့ ဇွန်လ၂၇ရက်နေ့က နေအိမ်သို့ပြန်လာရာလမ်းမှာ ပျောက်ဆုံးခဲ့ကြောင်း သိရပါတယ်။

အဲဒီမိန်းကလေးက ဇွန်လ ၂၇ရက်နေ့မှာ လားရှိုးမြို့မှ ကျောက်မဲမြို့သို့ ပြန်လာဖို့အတွက် မိဘထံသို့ ဖုန်းဆက်ခဲ့ပြီး မော်တော်ယာဉ်ဂိတ်မှာ လက်မှတ်ဝယ်ယူကာ ခုံနံပါတ် ၁၀နဲ့ လိုက်ပါစီးနင်းခဲ့ပေမယ့် မိဘထံသို့ မရောက်လာခဲ့ကြောင်း သိရပါတယ်။

သူလိုက်ပါစီးနင်းလာတဲ့ မော်တော်ယာဉ်ဂိတ်သို့ မိဘတွေမှ သွားရောက်စုံစမ်းရာမှာ အဲဒီမော်တော်ယာဉ်နဲ့ စီးနင်းလိုက်ပါခဲ့ကြောင်း၊ လိုက်ပါစီးနင်းလာတဲ့အချိန်မှာ သူမရဲ့လက်ကိုင်ဖုန်းထံသို့ ဖုန်းနှစ်ကြိမ်ဝင်လာပြီး ဖုန်းပြောဆိုမှုတွေကို တွေ့ခဲ့ရကြောင်း၊ သူမမှ စဥ့်အင်တံတားထိပ်မှာ ဆင်းမယ်လို့ ပြောဆိုကာ ဆင်းကျန်ရစ်ခဲ့တယ်လို့ သိရပါတယ်။

အဆိုပါမိန်းကလေးကို မိဘ၊ ဆွေမျိုးတွေ လိုက်လံရှာဖွေပေမယ့် ဒီကနေ့ထိ ရှာမတွေ့သေးတာကြောင့် အိမ်မှာပူဆွေးသောကရောက်နေကြောင်း သူ့ရဲ့ မိသားစုဝင်တွေက ရွှေတြိဂံဒေသ သတင်းဌာနကို ပြောကြားချက်အရ သိရပါတယ်။

Credit to သတင်း-နန်းမေရာစု(ရွှေတြိဂံ)

#ရွှေတြိဂံဒေသ သတင်းလွှာ

Be the first to comment

Leave a Reply

Your email address will not be published.


*