ဦးဇင်းကိတ္ထသာရ(ဦးကျော်ဟိန်း)ရဲ့ မွေးနေ့မှာ သံဃာတော်တွေအတွက် ဝါဆိုသင်္ကန်းလှူဒါန်းပေးခဲ့တဲ့ သားညီ

လွန်ခဲ့တဲ့ ဇူလိုင်လ(၁၁)ရက်နေ့ကရဟန်းဘဝနဲ့တရားအားထုတ်နေတဲ့နိုင်ငံကျော်မင်းသားကြီးကျော်ဟိန်း ပျံလွန်မူခဲ့တဲ့သတင်းကြောင့်ပရိသတ်တွေများစွာစိတ်မကောင်းဖြစ်ခဲ့ရမှာပါ။

ဦးဇင်းကိတ္ထိသာရကတော့ သက်တော်(၇၃)နှစ်မှာပဲပျံလွန်တော်မူခဲ့တာဖြစ်ပြီးဒီနေ့ ဇူလိုင်လ(၁၄) ရက်နေ့ကတော့ဦးဇင်းသာရှိဦးမယ်ဆိုရင် (၇၃)နှစ်ပြည့်မွေးနေ့လေးဖြစ်မှာပါ။

မွေးနေ့မရောက်ခင်သုံးရက်အလိုမှာ ကွယ်လွန်သွားခဲ့တဲ့ဦးဇင်းရဲ့ဒီနေ့မွေးနေ့လေးမှာတော့ တူဖြစ်သူ သားညီနဲ့ ဆွေမျိုးမိသင်္ဂဟများကဝါဆိုသင်္ကန်းကပ်အလှူလေးပြုလုပ်ပေးခဲ့ကြောင်း သားညီရဲ့လူမှုကွန်ရက်စာမျက်နှာထက်မှာ မျှဝေခဲ့ပါတယ်။ ” July 14 ဦးဇင်းကြီးမွေးနေ့ မှာ ကျန်ရစ်သူ ညီ အစ်ကို မောင်နှမများနဲ့

တူ တူမများက သံဃာတော်များကို အာရုဏ်ဆွမ်း ကပ်လှူပူဇော်ပါတယ် … ပြုသမျှ ကုသိုလ်အပေါင်းကို အမျှပေးဝေပါတယ် ခင်ဗျာ ” ဆိုပြီး ဦးဇင်းကိတ္ထသာရအတွက် လုပ်ပေးခဲ့တဲ့အလှူလေးကို မျှဝေခဲ့ပါတယ် ပရိသတ်ကြီးရေ…

သရုပ်ဆောင်၊အဆိုတော်၊ဒါရိုက်တာ ဘက်ပေါင်းစုံမှာထူးချွန်ခဲ့တဲ့ သဘာဝမင်းသားကြီးဦးကျော်ဟိန်းကတော့ (၂၀၀၈) ခုနှစ်ကစပြီး လောကီချမ်းသာအကုန်လုံးကို စွန့်လွှတ်ကာ တရားရှာခဲ့သူမို့ ကောင်းရာမွန်ရာရောက်မှာ အမှန်ပါပဲ။ ဦးဇင်းကြီးကိတ္ထသာရရဲ့မွေးနေ့မှာ သူ့အတွက်ရည်စူးပြီး ဝါဆိုသင်္ကန်းကပ်ပေးခဲ့ကြတဲ့ သားညီတို့ရဲ့ အလှူအကျိုးကိုလည်း ရပြီး ကောင်းရာမွန်ရာရောက်ပါစေလို့ ဆုတောင်းပေးလိုက်ပါတယ်။

Source – Thar Nyi
Rainbow- Cele Gabar

Be the first to comment

Leave a Reply

Your email address will not be published.


*